الباحث الحقيقي بيمر بمرحلة شك – لو رفع عينه وصوته للسما… مصيره هيوصل للحقيقة. لو الله موجود وفدى الإنسان فعلاً، هيكشف نفسه للي بيسأل ربه بأمانة إنت مين. جرب وشوف. أغنية لفريق الحياة الأفضل الذين سبق وأعلنوا أن حل السؤال مش جوة الأغنية!
كلمات الأغنية:
وسط الضلمة أنا ماشى بدور على النور
فى طريق طويل الكل قال عنه ممنوع
جنبى ناس شايفة حالى وماشية معايا
ناس فاهمانى مش بتقول إنى مجنون
لاقيت حواليا الشر بيزيد
مع كل يوم وليلة
لاقيت الغش بقى طبيعى
والكذب هو الحيلة
لاقيت العنف أسهل حيلة
لمشاكل كتير
وأنا ماشى فى طريقى
هأموت من الحيرة
طب إنت إله عظيم
ليه ساكت على الشر ؟
وإنت برضوا رحيم
فين عطفك ع البشر ؟
عايز أسأل ألاقى إجابة
مايقولوليش بعدين
دا أنا فى حيرة من سنين
بيقولوا الشر مش من عندك
لكن بتسمح به
طب إزاى أنا أصدق وماحسش بخوف
بيقولوا لازم أؤمن
فى حاجات مش بتتحس
وأمشى فى ضلمة من غير ما عينى تشوف
إزاى أطمن على بكرة
وأنا محاصرنى الماضى
وأصدق إنك عادل
وإنت بالظلم راضى
وإللى عايش فى الحرمان
تقوله لازم تستكفى
إزاى بتقول بتحبنى
ومعايا فى صفى !!
لو كل أمر بإيدك
وليك كل السلطان
طب ليه فى ناس بتضيع
وتروح فى خبر كان ؟
مع صوت الصراخ
بأحس إنك بعيد
أنا عايز أعرف إنت مين ؟
قوللى إنت مين ؟
محتاج ردود لحيرتى
لنور يبدد شكى
محتاج لإيد تتمد ليا
قوللى إنت مين ؟
أنا عايز أعرف إنت مين ؟